ប្រទេសកាណាដាបានបញ្ជាក់ថា ខ្លួនបានផ្តល់ជំនួយមនុស្សធម៌តាមរយៈការទម្លាក់ស្បៀងតាមយន្តហោះទៅក្នុងតំបន់ហ្គាហ្សា ដែលបច្ចុប្បន្នកំពុងស្ថិតក្រោមការវាយលុករបស់យោធាអ៊ីស្រាអែល និងបានចោទប្រកាន់អ៊ីស្រាអែលម្តងទៀតថាបានបំពានច្បាប់អន្តរជាតិ។ ប្រទេសកាណាដាក៏បានបញ្ជាក់កាលពីសប្តាហ៍មុនថា ខ្លួនគ្រោងនឹងទទួលស្គាល់រដ្ឋប៉ាឡេស្ទីននៅកិច្ចប្រជុំរបស់អង្គការសហប្រជាជាតិនាខែកញ្ញាខាងមុខ ដោយបង្កើនសម្ពាធលើអ៊ីស្រាអែល ខណៈដែលភាពអត់ឃ្លានកំពុងរីករាលដាលយ៉ាងខ្លាំងនៅក្នុងតំបន់ហ្គាហ្សា។ គួរបញ្ជាក់ផងដែរថា យោងតាមយោធាអ៊ីស្រាអែល កញ្ចប់ជំនួយស្បៀងអាហារចំនួន 120 កញ្ចប់សម្រាប់ប្រជាជននៅតំបន់ហ្គាហ្សា ត្រូវបានទម្លាក់ដោយប្រទេសចំនួន 6 រួមទាំងប្រទេសកាណាដាផងដែរ ខណៈដែល 5 ទៀតរួមមានប្រទេសហ្សកដានី អេមីរ៉ាតអារ៉ាប់រួម អេហ្ស៊ីប អាល្លឺម៉ង់ និងបែលហ្ស៊ិក។
