សហព័ន្ធប្រដាល់គុនខ្មែរ ក្រោមការដឹកនាំដោយ ឯកឧត្តម ខូវ ឆាយ ជាប្រធានបានទទួលអំណោយសប្បុរសធម៌ពីក្រុមហ៊ុន Khmer Beverages នូវអង្ករចំនួន ១០តោន រួមទាំងភេសជ្ជៈមួយចំនួនធំទៀតដើម្បីយកទៅជួយដល់វីរកងទ័ពជួរមុខ និងជនភៀសសឹកដែលរងគ្រោះពីការឈ្លានពានកន្លងទៅនេះ។
រូបភាពលើផេកសហព័ន្ធ
នេះបើតាមការផ្សព្វផ្សាយនៅលើហ្វេសបុកផេកសហព័ន្ធ នៅមុននេះបានបញ្ជាក់ថា ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ សូមថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុនខ្មែរប៊ីវើរីកជីស (Khmer Beverages) បានផ្តល់នូវអំណោយមានអង្ករ ១០តោន ទឹកសុទ្ធ ២០០កេះ ភេសជ្ជៈអេចស្ព្រេស ២០០កេះ ដល់សហព័ន្ធដើម្បីចុះជួយវីរកងទ័ពជួរមុខ និងជនភៀសសឹក ដែលរងគ្រោះដោយសារសង្គ្រាមឈ្លានពានពីទាហានសៀម។
រូបភាពលើផេកសហព័ន្ធ
បន្ទាប់ពីមានការឈ្លានពានពីសំណាក់ប្រទេសសៀមមកលើកម្ពុជាកន្លងទៅនេះ បានធ្វើឲ្យកងទ័ពកម្ពុជាចំនួនត្រូវពលីលើសមរភូមិន និងមានក្រុមគ្រួសារកងទ័ព ប្រជាពលរដ្ឋជាច្រើនម៉ឺននាក់រងគ្រោះត្រូវភៀសខ្លួនពីផ្ទះសម្បែងដើម្បីរកកន្លែងសុខសុវត្ថិភាព។ ការចាក់ចេញដោយទុកផ្ទះសម្បែងចោល ទុកសម្ភារប្រើប្រាស់ និងទាំងសត្វពាហនៈផ្សេងៗគឺមានផលប៉ះពាលជាខ្លាំង។ ដូច្នេះហើយអំឡុងពេលឈ្លានពាននេះចលនាសប្បុរសធម៌ និងការរៃអង្គាសពីមហាជនមានជាច្រើនដើម្បីជួយដល់វីរកងទ័ពនៅសមរភូមិ និងជនភៀសសឹកកន្លងមកក្នុង ស្មារតីខ្មែរតែមួយ ខ្មែរស្រឡាញ់ខ្មែរ ដើម្បីសម្រាលដល់ការលំបាក់ផ្សេងៗ។ យ៉ាងណាជាក់ស្ដែងដូចជាក្រុមហ៊ុន Khmer Beverages ផងដែរដែលបានផ្ដល់អំណោយតាមរយៈសហព័ន្ធប្រដាល់គុនខ្មែរនេះនឹងជួយដោះស្រាយការលំបាកបានមួយកម្រិតនៅក្នុងស្ថានភាពជាក់ស្ដែងនេះ៕
អត្ថបទ៖ លោក កៅ សុភា
